Меҳнат кодексининг 121-моддасига асосан, байрам (ишланмайдиган) кунлари арафасида кундалик иш (смена) муддати барча ходимлар учун камида бир соатга қисқартирилади.

Меҳнат кодексининг 131-моддасига биноан, қуйидаги кунлар байрам (ишланмайдиган) кунлардир:

1 январ — Янги йил;

8 март — Хотин-қизлар куни;

21 март — Наврўз байрами;.

9 май — Хотира ва қадрлаш куни;

1 сентябр — Мустақиллик куни;

1 октябр — Ўқитувчи ва мураббийлар куни;

8 декабр — Конституция куни;

Рўза ҳайит (Ийд ал-Фитр) диний байрамининг биринчи куни;

Қурбон ҳайит (Ийд ал-Адҳа) диний байрамининг биринчи куни;

Эртага, 8 декабр (чоршанба) – Ўзбекистон Республикаси Конституцияси куни, Меҳнат кодексининг 131-моддасига мувофиқ ишланмайдиган кун ҳисобланади. Демак, бугун барча ходимлар одатдагидан 1 соат вақтлироқ уйига кетишига қонуний ҳаққи бор.