Коррупционерлардан тортиб олинган пуллар Таълим инфратузилмасини қўллаб-қувватлаш жамғармаси ҳисобига ўтказилган.

2023 йилда коррупционерлардан тортиб олинган пулларга қурилган мактабларнинг аксарияти Остона, Олмаота ва Туркистон вилоятларида жойлашган, дея хабар берди Қозоғистон Таълим вазирлиги матбуот хизмати.

«Шундай қилиб, мамлакатда учта аварияли ва 13 та уч сменали мактаб масаласи ҳал қилинди. Натижада ҳудудларда 54,4 мингта янги ўқувчи ўрни пайдо бўлди», — дейилади вазирлик хабарида.

Коррупционерлардан тортиб олинган пуллар Таълим инфратузилмасини қўллаб-қувватлаш жамғармаси ҳисобига ўтказилган. Ушбу ташкилот томонидан жами 76 738 ўқувчи ўринли 62 та мактаб қурилиши молиялаштирилган. Лойиҳаларнинг умумий қиймати 96 миллиард тенгедан ортиқни ташкил этган. Маблағлар аллақачон маҳаллий ижро ҳокимияти органларининг ҳисоб рақамларига ўтказилган.