Ўзбекистон Республикаси Президенти томонидан илгари сурилган «Яшил макон» умуммиллий лойиҳаси доирасида юртимиз бўйлаб «Долзарб 40 кунлик» тадбирлари ўтказилмоқда.

Республика Маънавият ва маърифат маркази Тошкент шаҳар бўлими ҳамда ҳудудий бўлинмалари лойиҳа доирасида дастлабки кунлардан фаол иштирок эта бошлади. Жумладан, Тошкент шаҳар Миробод тумани «Баёт» МФЙда 160 туп мевали дарахт кўчатлари экилиб, «Маънавият боғи» ташкил этилди. Кун давомида китобхонлик викториналари ва турли кўнгилочар танловлар ўтказилиб, фаол иштирокчиларга 400 дан ортиқ бадиий китоблар улашилди.

Шунингдек, 3 ноябрь – Халқаро ногиронлар куни муносабати билан кўришда нуқсони бор ва эҳтиёжманд маҳалла аҳлига Маънавият ва маърифат маркази Тошкент шаҳар бўлими ташаббуси билан хайрия оши тарқатилди.