Россиядан Ўзбекистонга қайтувчи фуқаролар учун махсус поездлар йўлга қўйилди. Бу ҳақда Ташқи меҳнат миграцияси агентлиги матбуот хизмати хабар бермоқда.

Қайд этилишича, Ўзбекистонга қайтиш истагида бўлган фуқароларга пандемия даврида қулайлик яратиш мақсадида «Ўзбекистон темир йўллари» АЖ томонидан «Волжский-Тошкент» йўналишида 8 та махсус рейс режалаштирилган.

Поездлар 4, 6, 10, 13, 17, 20, 24 ва 27 декабрь кунлари соат 20:57 да «Волжский-Тошкент» йўналишида ҳаракатини амалга оширади.

Ушбу рейсларга фақат бир томонга, яъни Волжский-Тошкент йўналишига чипталар сотилади.