Сингапурнинг Тошкентдаги ТМС(Технология, менежмент ва коммуникация) институтида Халқаро Психологлар кунига бағишланган тадбир бўлиб ўтди.  Унда психологиянинг бугунги кунда инсон ҳаётидаги ўрнига алоҳида эътибор қаратилди.

Байрам тадбирида ТМС институтнинг “Педагогика ва психология” йўналиши талабалари фаол иштирок этди. Улар турли хил психологик методлар, савол – жавоблар,  саҳна кўринишлари рақс ва қўшиқлар орқали инсон мияси яширадиган билимларнинг кичик бир қисмини намоён қилишди. Тадбирда талабалар томонидан аҳоли ўртасида ўтказилган психологик савол-жавоблар натижалари ҳам тақдим этилди.  Шунингдек, жараёнда залдаги томошабинлар билан биргаликда “Ранглар методикаси”, “Тафаккур методикаси” йўналишида турли хил психологик тренинглар ўтказилди.