Бугун AҚШ Озиқ-овқат ва фармацевтика идораси иммунитети паст одамлар учун коронавирусга қарши Пфизер ва Модерна ваксиналарининг қўшимча — учинчи дозасини тасдиқлади. Бу ҳақда tass.ru хабар бермоқда.

     — Озиқ-овқат ва фармацевтика идораси бугун Пфизер ва Модерна коронавирус ваксиналарига рухсатномани ўзгартириб, айрим иммунитети паст одамларга қўшимча дозани беришга рухсат берди, — дейилади хабарда. — Мамлакатда коронавирус пандемиясининг яна бир тўлқини бошланди ва иммунитети суст одамлар учун касалликнинг оғир кечиши хавфи борлигини унутмаслигимиз керак, — деди офис директори вазифасини бажарувчи Жанет Вудкок.