ЙТҲга ҳайдовчилар оралиқ масофани сақламагани сабаб бўлган.

Ҳодиса Тошкент вилоятининг Ўрта Чирчиқ туманида 6 та машина иштирокида содир бўлди.

Вилоят ЙҲХБ хабарига кўра, воқеа 21 октябрь куни соат 20:00 ларда туман ҳудудидан ўтган 4Р-22 автомобиль йўлининг 20-километрида юз берган.

Таъкидланишича, 6 та транспорт воситаси ўзаро тўқнашиб кетган. Бунга ҳайдовчилар оралиқ масофани сақламагани сабаб бўлган. Машиналар ҳайдовчиларига биринчи тез тиббий ёрдам кўрсатилган. Ҳодиса оқибатида оғир тан жароҳати олган фуқаролар йўқ.