Эрон Ислом Республикасининг Ўзбекистондаги янги тайинланган элчиси Муҳаммад Али Искандарий Ўзбекистон ташқи ишлар вазири Бахтиёр Саидовга ишонч ёрлиқлари нусхаларини топширди. Бу ҳақда Ташқи ишлар вазирининг Телеграм каналида хабар берилди.

Томонлар Ўзбекистон-Эрон ўзаро манфаатли ҳамкорлигини кенгайтириш бўйича икки мамлакат ташқи ишлар вазирликлари олдидаги устувор вазифаларни муҳокама қилган.

«Жаноб элчига мамлакатимиздаги фаолияти давомида муваффақиятлар тилаймиз», — дея қўшимча қилган Бахтиёр Саидов.