Андижон вилояти ҳокими қарорига асосан Асака тумани ҳокими лавозимида фаолият юритиб келган Бегзод Умматов вазифасидан озод этилди. Бу ҳақда вилоят ҳокимлиги матбуот хизмати хабар бермоқда.

Вилоят ҳокими ўринбосари Насибилло Мўминов Асака тумани ҳокими вазифасини вақтинча бажарувчи этиб тайинланган.

Насибилло Мўминов 1983 йил Андижон туманида туғилган. Меҳнат фаолиятини 2001 йилда Андижон қурилиш техникумининг махсус фан ўқитувчиси вазифасидан бошлаган. Тайинловга қадар у вилоят ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари сифатида фаолият юритган.