Ўзбекистонда иш ҳафтаси якунигача ҳаво ҳарорати илиқ бўлади ва ёғингарчилик кутилмайди. Бу ҳақда Ўзгидромет хабар берди.

Фақат жанубий ҳудудларда, шунингдек, республиканинг тоғ олди ва тоғли ҳудудларида 18 октябрь куни баъзи жойларда ёмғир ёғади.

Ҳаво ҳарорати аста-секин кўтарилиб боради. Душанба куни кундузи ҳарорат +18…+20 даража атрофида, ҳафтанинг иккинчи ярмида эса кундузи +22…+25 даражагача, жанубда +27 даражагача исийди. Кечаси ва эрталаб ҳаво анча илиқ, ҳарорат +7…+12 даража атрофида бўлади.

Тошкентда ҳаво бироз булутли, вақти-вақти билан ўзгариб туради, ёғингарчилик кутилмайди.