Ўзбекистоннинг собиқ қурилиш вазири вафот этди. Наманган вилояти ҳокимлиги матбуот хизмати ушбу муносабат билан таъзиянома эълон қилди.

Марҳум Назир Ражабов 1939 йил 9 майда Бухоро вилоятида туғилган бўлиб, 1978-1983 йилларда Ўзбекистон ССР қишлоқ хўжалиги қурилиш вазири, 1983-1984 йилларда Ўзбекистон ССР қурилиш вазири, 1984-1987 йилларда Ўзбекистон Компартияси Наманган вилоят қўмитасининг биринчи котиби лавозимларида ишлаган.

Шунингдек, у 1987-1988 йилларда Ўзбекистон Компартияси Самарқанд вилоят биринчи котиби вазифасида ҳам ишлаган.