Ижтимоий тармоқда нидерландиялик саёҳатчи блогер Том Гронд Ўзбекистондаги поездга чиқиб, пора эвазига (поезддаги ходимга 15 АҚШ доллари тўлаб) эконом-классдан бизнес-классга ўтгани ҳақидаги видеоси кенг муҳокамаларга сабаб бўлди. Ҳолат юзасидан “Ўзтемирйўлйўловчи” АЖ изоҳ берди.

Ушбу ҳодиса 2023 йилнинг 6 июль кунида бўлиб ўтгани, 10 июль куни поезд бошлиғи мазкур ҳолат бўйича лавозимидан озод этилгани таъкидланди. Вагон кузатувчилари стюардларга бу каби ҳодисалар қайтарилмаслиги бўйича тегишли йўриқномалар билан тушунтириш ишлари олиб борилган.

Ҳозирги кунда юқори тезликда ҳаракатланувчи “Афросиёб” электропоездларининг барчасида ишчи гуруҳ томонидан текширув амалга оширилмоқда. Бу каби ҳолатлар қайтарилмаслиги учун назорат ўрнатилган.