2023-2024 йил қиш мавсумида 2023 йил январдаги каби жуда паст даражадаги аномал совуқ ҳарорат кутилмалари мавжуд эмас. Бу ҳақда “Ўзгидромет” вакиллари иштирокида ўтказилган матбуот анжуманида маълум қилинди.

Шунга қарамай, шимолдан ривожланган совуқ антитциклонларнинг минтақага кириб келишида республика катта қисмида ҳароратнинг -7...-12 даражагача, шимолда -17...-22 даража совуқликка пасайиш тўлқинлари вужудга келиш эҳтимоли бор.

Маълумот учун, 2023 йилнинг январида совуқ антитциклоннинг республикада чуқурроқ кириб келиши фонида республика катта қисмида ҳарорат -17...-22 даражагача пасайган эди.