“HeadHunter” компанияси hh.uz платформасида иш қидириш учун оптимал вақт бўйича ўтказилган тадқиқот натижаларини “Spot”га тақдим этди.

Компания мутахассислари меҳнат бозорининг мавсумийлигини ва иш истиқболлари ҳамда йил фасли ўртасидаги боғлиқликни ўрганди. Эски маълумотларга асосланиб, улар иш берувчиларнинг таклифлари энг кўп бўлган даврларни аниқлашди.

Иш изловчилар учун “юқори” мавсум — бу кузнинг боши. Сентябрь-октябрь ойларида эълон қилинган бўш иш ўринлари сони, айниқса, рақобат даражаси юқори бўлган ҳудудларда кўпаяди.

Ноябрь ойида ишга қабул қилувчиларнинг фаоллиги аста-секин пасаяди ва декабрь-январь ойларида ишга қабул қилиш тўхтатилади ёки камроқ интенсив режимга ўтади. Шунга қарамай, йирик компаниялар мунтазам равишда кадрларни қидиришда давом этмоқда, дея таъкидлади хизмат.

Меҳнат бозорида янги тикланиш қишнинг охирида бошланади ва мартдан апрелгача энг юқори нуқтага етади. Май ойидан бошлаб, янги ходимларга бўлган талаб айниқса, байрамларнинг кўплиги туфайли яна секинлашади.

Июнь ва июль ойлари кўпгина вакансияларда сокин даврга айланади, чунки ходимлар таътилга чиқади. Шу билан бирга, мавсумий кадрлар билан бир қаторда ёш мутахассисларни ҳам тўлиқ бўлмаган муддатга ишга жалб қилиш фаол йўлга қўйилган.

Август ойида бўш иш ўринлари сони яна ортади. Айни пайтда ариза берувчиларнинг аксарияти бизнес вазифаларига ҳали мослашмаганлиги сабаб, бўш иш ўринларига жавоб беришга тайёр бўлганлар нисбатан қулай ҳолатда, дея таъкидлади компания.