Тошкент ахборот технологиялари университети дунёнинг ТОП Университетлари рўйхатида 1000 баллик баҳолаш шкаласида 620 балл тўплаб, 4 юлдузли университет мақомига эришди.

Бу мақом жаҳоннинг энг нуфузли халқаро рейтинг ташкилотларидан бири ҳисобланган QS (Quacquarelli Symonds) томонидан ташкил қилинган бу йилги QS Stars аудит баҳолаш рейтинги томонидан аниқланди.

Маълумот учун: ТДЮУ, ТДИУ, “ТИҚХММИ” Миллий тадқиқот университети билан бир қаторда ТАТУ Ўзбекистонда QS Stars рейтингидан 4 та ва ундан ортиқ юлдуз олган 4-ОТМ бўлди.