Енгил атлетика бўйича Ўзбекистон терма жамоаси аъзоси Шарифа Давронова уч ҳатлаб сакраш дастурида олтин медалга сазовор бўлди.

17 ёшли спортчимиз қайд этган 14.09 метр натижани ҳеч бир рақиби янгилай олмади ва Давронова Осиё ўйинлари чемпионлигига эришди.

Жалгасбай Бердимуратов (-87 кг) эса юнон-рум кураши бўйича олтин медалга эга чиқди.

Ҳамюртимиз финал беллашувида эронлик Носир Ализодани мағлуб этиб, мусобақа чемпионига айланди.

Бокс бўйича Ўзбекистон терма жамоаси аъзоси Абдумалик Ҳалоков ҳам финалчилар қаторидан жой олди. -57 кг вазн тоифасида иштирок этаётган юртдошимиз ярим финалда хитойлик Динг Люни 5:0 ҳисобида мағлубиятга учратди. Ушбу ғалаба финал билан бирга юртдошимизга Париж-2024 йўлланмасини ҳам тақдим қилди.