Давлат ва жамоат арбоби, Наманган вилоятининг собиқ ҳокими Тўлқин Отахонович Жабборов оғир хасталикдан сўнг 73 ёшида вафот этди, дея хабар бермоқда вилоят ҳокимлиги матбуот хизмати.

Тўлқин Жабборов 1950 йилда Учқўрғон туманида туғилган. 1996−2004 йилларда Наманган вилояти ҳокими лавозимида иш юритган. 2000−2005 йилларда Олий Мажлис депутати бўлган.

У раҳбарлик қилган йилларда вилоятнинг қишлоқ хўжалиги, қурилиш, аграр каби соҳалар ривожига ҳисса қўшган. «Ажойиб инсон, фидойи раҳбар Тўлқин Отахонович Жабборовнинг ёрқин хотираси қалбларимизда мангу сақланади», – дейилади хабарда.