UzAuto Motors ноябрь-декабрь ойларида машиналарини кутаётган харидорларга етказиб бериш яна икки ойга кечиктирилишини маълум қилди.

Компания автомобилни етказиб бериш бўйича илгари тузилган шартноманинг 1.2 бандига мос равишда шартномага 3.1.1 бандни киритишга мажбур эканлигини айтмоқда.

Қайд этилишича, UzAuto Motors’га боғлиқ бўлмаган ҳолатлар туфайли, яримўтказгичлардан тайёрланган бутловчи қисмлар етишмовчилиги ҳамда глобал логистика муаммолари сабабли автомобилларнинг кутилаётган етказиб бериш муддатини 2 ойга узайтиришга мажбур эканлигини билдирмоқда.

“UzAuto Motors ушбу экстремал чора истеъмолчилар томонидан тўғри тушунилиб қабул қилинишига умид қилмоқда”, – дейилади хабарда.

Аввалроқ, компания Сhevrolet Captiva 5 сотуви тўхтатилганини, бунинг учун “чексиз узр” сўрашини билдирганди.