Қобул Турсуновда оғир жарроҳлик амалиёти ўтказилди. Навоий вилоятининг собиқ ҳокими Қобул Турсунов 10 соат давом этган жарроҳлик амалиётини бошдан кечирди.

Бу ҳақида Kun.uz манбаси хабар берди. Унга кўра, собиқ ҳокимда интубацион наркоз остида ламинектомияси ва бел соҳаси умуртқаларини ТПФ - транс педикуляр фиксатор система билан стабилизация қилиш жарроҳлик амалиёти ўтказилган.

Амалиёт Навоий вилояти Кўп тармоқли тиббиёт марказида Республика ихтисослаштирилган нейрохирургия илмий-амалий тиббиёт маркази директори ўринбосари, тиббиёт фанлари доктори Равшан Юлдашев ва навоийлик нейрожарроҳлар ҳамкорлигида амалга оширилган.

Таъкидланишича, ҳозирда беморнинг аҳволи қониқарли, кейинги реабилитация муолажалари давом эттирилмоқда.