25 ноябрь куни Тошлоқ туманидаги «Олтиариқ газ тўлдириш» МЧЖнинг автомобилларга суюлтирилган газ тўлдириш шохобчасида газ-ҳаво аралашмасининг чақнаши натижасида 5 нафар ходим тан жароҳати олган.

Ходимларнинг энг каттаси 1959 йилда, энг кичиги 1995 йилда туғилган бўлиб, Республика шошилинч тиббий ёрдам илмий маркази Фарғона филиалига даволаниш учун ётқизилган. Ушбу ҳолат бўйича туман ҳокими қарори билан бахтсиз ҳодиса сабабларини ўрганиш ҳамда оқибатларини бартараф этиш учун комиссия таркиби тасдиқланган.