Озарбойжонда бўлиб ўтаётган Ўзбекистон маданияти кунлари доирасида Абдулла Қодирийнинг озар тилида қайта чоп этилган “Ўткан кунлар” романининг тақдимоти бўлиб ўтди.

Маданият вазирлигининг хабар беришича, Боку шаҳридаги Озарбойжон Миллий кутубхонасида Ўзбек миллий адабиёти экспозицияси ташкил этилган. Унда Абдулла Қодирийнинг озар тилида қайта чоп этилган “Ўткан кунлар” романининг тақдимоти бўлиб ўтди.

“Ушбу асар илк бор 1929 йилда озар тилига ўгирилиб, бир неча бор қайта нашр этилган. Бу икки халқ адабиётининг ўзаро муштараклиги меваси. Асарда кўтарилган масалалар, тарихий воқеалар, қаҳрамонлар тақдири озарбайжонликларга ҳам бегона эмас. Шу сабабли туркий халқлар “Ўткан кунлар” асарига қайта-қайта мурожаат қилади. Шу нуқтаи назардан, бу асарни бутун туркий халқларнинг адабий мулки, деб айтсак хато бўлмайди”, — дейди Қодирийнинг набираси Хондамир Қодирий.