ОТМларга кириш имтиҳонларининг 1 август кунги натижалари эълон қилинди. Бу ҳақда Билимни баҳолаш агентлиги ахборот хизмати хабар берди.

1 август куни тест синовида иштирок этган абитуриентлар ўз натижаларини 3 хил усулда билишлари мумкин:

my.uzbmb.uz сайтининг “Натижани олиш” бўлимидан паспорт серияси ва рақами ҳамда шахсий идентификация рақамини киритган ҳолда;

mandat.uzbmb.uz сайти орқали абитуриент қайд варақаси ёки абитуриент рухсатномасида кўрсатилган абитуриентнинг ID-рақамини киритган ҳолда;

Билимни баҳолаш агентлигининг қуйидаги Telegram ботларига абитуриент қайд варақаси ёки рухсатномасида кўрсатилган абитуриентнинг ID-рақамини юборган ҳолда:

@e_dtm_mandatbot;
@e_dtm_mandat1bot;
@e_dtm_mandat2bot;
@e_dtm_mandat3bot;
@e_dtm_mandat4bot.