Хорижий тиллар бўйича юқори натижа эришган ёшларга 30 млрдан ортиқ сумма қоплаб берилди, деб ёзади Ёшлар ишлари агентлиги директори Алишер Саъдуллаев.

2021 йил 1 майдан 5 турдаги, 2022 йил 1 январдан 13 турдаги (жами 18 турдаги) халқаро имтиҳон тизимларида юқори натижага эришган ёшларнинг имтиҳон харажатлари қоплаб берилмоқда. Бугунга қадар мазкур тизим орқали 17 460 нафар ёшнинг имтиҳон харажатлари қоплаб берилди ва бу қарийб 30,3 млрд сўмни ташкил қилмоқда, деб маълумот берган Ёшлар ишлари агентлиги директори.

Эътиборлиси, мазкур тизимда компенсация олган қизлар сони бу сафар ҳам йигитлар сонидан кўп. Аёл-қизлар 9 489 нафарни, йигитлар эса 7 975 нафарни ташкил этган.