12 июль кунидан бошлаб Тошкент шаҳар Миробод туманидаги Тарас Шевченко кўчасининг Саид Барака ва Фидокор кўчалари кесишмалари 15 кун муддатга автомобиллар ҳаракати учун ёпилди.

Туман ҳокимлиги матбуот хизматининг маълум қилишича, Тарас Шевченко кўчасида “Менинг йўлим” лойиҳаси доирасида мукаммал таъмирлаш ишлари олиб борилиши белгиланган.

Жумладан, кўчанинг Саид Барака ва Фидокор кўчалари кесишмалари ҳудудидаги эскирган, диаметри 720 мм, узунлиги 448 метр магистраль иссиқлик қувурини янгисига алмаштириш ишларини амалга ошириш кўзда тутилган.

Таъмирлаш ишлари якунига етгач, ҳаракатланиш қайта тикланиши қўшимча қилинган.

Oyina.uz'ни Телеграмда ўқинг!