Тошкент шаҳар ҳокимияти “Тошшаҳартрансхизмат”га йўловчиларни ташиш давомида юзага келадиган зарарларни қоплаши учун маблағ ажратиш ҳақидаги қарорни қабул қилди.

Чекланган тарифлар бўйича йўловчиларни ташишдан юзага келган зарарни қоплаш юзасидан Тошкент шаҳар ҳокими қарори қабул қилинди. Унга кўра, “Тошшаҳартрансхизмат” АЖга бунинг учун 18 млрд сўм ажратилади.

Мазкур маблағ республика бюджетидан Тошкент шаҳар маҳаллий бюджетига ажратилган ссуда маблағлари ҳисобидан йўналтирилиши белгиланган.

Қарорда шаҳар Иқтисодиёт ва молия бош бошқармаси 2023 йил пойтахт маҳаллий бюджетига тегишли ўзгартиришларни амалга ошириши қайд этилган.

Апрель ойида пойтахтда жамоат транспорти таркибининг ошгани ортидан ундан фойдаланувчи йўловчилар сони кўпайгани эълон қилинганди. Хусусан, 2023 май ойида автобуслар кунига ўртача 782 мингдан ортиқ йўловчи ташиган. Бу 2022 йилнинг худди шу даврига нисбатан 63 фоизга ортганини кўрсатган.

Оyina.uz'ни Телеграмда ўқинг!