“Ҳаж – 2023” мавсумини якунлаган зиёратчилар 4–22 июль кунлари Ўзбекистонга қайтиб келади. Бу ҳақда Мусулмонлар идораси матбуот хизмати маълум қилди.

Зиёратчилар Жидда шаҳридан Ўзбекистоннинг 10 та ҳудуди – Тошкент, Наманган, Фарғона, Қарши, Термиз, Самарқанд, Бухоро, Навоий, Урганч ва Нукусга қайтиб келади.

“Ҳаж – 2023” тадбирининг узлуксиз ва тартибли ўтказилишида “Uzbekistan Airways” акциядорлик жамиятидан малакали учувчи ва борт кузатувчилари жалб этилган. Ҳожиларга ҳаво саҳнида турли таом ва ичимликлар тақдим этилади, дейилади хабарда.