Кинорежиссёр Шокир Холиқов томонидан суратга олинган “Якшанба” бадиий фильми Хитойнинг Шанхай шаҳрида бўлиб ўтган 25-Шанхай халқаро кинофестивали доирасидаги “Осиёнинг янги истеъдодлари” йўналишининг энг олий мукофоти – “Олтин кубок”ка сазовор бўлди.

“Якшанба” Шокир Холиқовнинг катта кинодаги илк дебюти ҳисобланади. У Кинематография агентлиги томонидан таъсис этилган 1 миллиард 200 миллион сўмлик грант билан тақдирланган эди.

“Шанхай” халқаро кинофестивали нуфузли “А” тоифадаги йирик фестиваллардан бири ҳисобланиб, 1993 йилдан бери Хитойнинг Шанхай шаҳрида ўтказилиб келинади.

Маълумот учун, фильм Маданият ва туризм вазирлиги ҳузуридаги Кинематография агентлиги гранти асосида “Ёшлик” студиясида суратга олинган.

Ойина.узъда ушбу фильм мутахассислар томонидан қандай кутиб олингани ҳақида материал эълон қилинганди. Материални бу ерда ўқишингиз мумкин.