Электр қурилмаларини таъмирлаш ва янгилаш ишлари кетаётгани сабабли 15 июнь куни Тошкент шаҳридаги айрим ҳудудларда таъминотда узилиш бўлади. Бу ҳақда “Ҳудудий электр тармоқлари” АЖ пойтахт филиали хабар қилди.

Яшнобод тумани: “Товкантепа” ҳамда “Миришкор” МФЙларининг айрим ҳудудлари — соат 16:00 гача.

Миробод тумани: “Иноқобод” ва “Банокатий” МФЙларининг айрим ҳудудлари — соат 17:00 гача.

Чилонзор тумани: “Қатортол” ҳамда “Ҳосилот” МФЙларининг айрим ҳудудлари — соат 17:00 гача.

Юқоридаги ҳудудларда таъмирлаш ишлари белгиланган вақтдан аввалроқ якунланиши мумкин.

Қайд этиш керак, сўнгги кунларда таъмирлаш ишлари сабабли Тошкент шаҳрида режавий узилишлар амалга оширилмоқда.