АҚШнинг Лос-Анжелес шаҳрида “Cine Gear Expo 2023” технология, кўнгилочар ва медиа саноати халқаро кўргазмаси бўлиб ўтди.

Мазкур тадбир кино ва телевидение ҳаваскорлари ҳамда профессионаллари учун мўлжалланган бўлиб, унда янги технологиялар билан танишиш, қисқа метражли фильмларни томоша қилиш мумкин.

Танловда “9999” студияси Озодбек Назарбековнинг “Мендирман” қўшиғига суратга олинган видеоклипи билан “Мусиқий ва қисқа метражли фильмлар” номинацияда иштирок этиб, “Энг яхши клип” сифатида эътироф этилди. Режиссёрлар Нодир ва Хуршид Собировлар томонидан ишланган ушбу клип мутахассислар ва томошабинларда катта таассурот қолдирган.