Кобулда Маданият ва ахборот вазирлиги, бир нечта вазирликлар ҳамда журналистлар иштирокида йиғилиш бўлиб ўтди.

Унда оммавий ахборот воситалари бундан буён қай шартларга кўра иш олиб бориши кўриб чиқилди. Мажлисга кўра:

– ОАВ ислом қадриятлари ва миллий қизиқишларни инобатга олиши;

– Ислом меъёрларини сақлаш маъносида ҳукумат ва ОАВ бирга ишлаши;

– Аёл бошловчилар ҳижоб ўраши;

– Аёллар ўйнаган драматик фильм ва кўрсатувлар қўйилмаслиги;

– Афғонларми, бошқаларми, ахлоқ қоидаларига тўғри келмайдиган фильмлар қўйилмаслиги;

– Баданнинг очиқ қисми кўрсатилган, Пайғамбар ва саҳобалар ҳақидаги фильмларни қўйиш қаттиқ таъқиқланиши;

– Драматик фильмлар динга зид бўлиши ва қадриятларни оёқости, юмористик фильмлар эса бировни калака қилмаслиги зарур.

Шунингдек, хориж маданиятини тарғиб қиладиган чет эл маҳсулотлари ҳам телевидениеда намойиш қилинмайдиган бўлди. Телеканалларда, асосан, хориж манбаларидан олинган шоу ва драмалар намойиш қилиб келинган. Шунинг учун канал эгалари янги тартиб сабаб ишлари тўхтаб қолишидан хавотир билдирмоқда.