«Ичан қалъа» давлат музей-қўриқхонаси бўлим ва экспозициялари янги ва нодир экспонатлар ҳамда ашёлар билан бойитиб борилмоқда. Бу ҳақда Маданий мерос агентлиги маълум қилди.

Айтилишича, яқинда «Алломалар» музей бўлимида ўрнатилган дунё илм-фани тараққиётига улкан ҳисса қўшган буюк аждодларимизнинг мум ҳайкаллари экспозицияга таассуротли кўриниш бағишлаб, сайёҳлар эътибор ва эътирофига сазовор бўлмоқда.

Ташриф буюрувчилар Ал-Хоразмий, Фаробий, Беруний, Ибн Сино ҳайкалларини кўриб завқланиш баробарида бу ва бошқа алламолар ҳаёти ҳамда фаолияти ҳақида маълумотлар олишлари, ҳужжатли видеолавҳаларни ҳам томоша қилишлари мумкин.