Ўзбекистонга 13−15 март кунлари COVAX дастури доирасида CОVID-19`га қарши жами 875 520 доза Pfizer вакцинаси олиб келинди. Бу ҳақда Санитария-эпидемиология қўмитаси ахборот хизмати хабар берди.

Қайд этилишича, мамлакатга илк маротаба олиб келинган вакцина CОVID-19 инфекциясининг омикрон B.A.4 va B.A.5 штаммларига қарши тайёр эритилган вакцина ҳисобланади.

Айни кунгача мамлакатда жами 75 670 234 доза вакцинадан фойдаланилган.

Қўмита COVID-19 инфекциясига қарши курашиш ва уни тарқалишининг олдини олишнинг энг самарали йўли иммунизация, яъни аҳолини инфекцияга қарши вакцина билан эмлаш эканини эслатиб ўтди.