Абу-Даби шаҳрида Осиё шахмат федерацияси томонидан ўтказилган Asian Chess Summit 2023 доирасида 5th Annual Asian Chess Excellence Awards тақдирлаш маросими бўлиб ўтди.

Ўзбекистон шахмат федерацияси унда учта номинацияда ғолибликни қўлга киритди. Булар:

1. Йилнинг энг яхши терма жамоаси (National Team of the Year) — Ҳиндистоннинг Ченнай шаҳрида ўтказилган 44-Бутунжаҳон шахмат олимпиадасида ғолиб чиққани учун.

2. Йилнинг энг яхши ёшлар терма жамоаси (National Youth Team of the Year) — 2022 йил Озарбойжонда ўтган Бутунжаҳон ўсмирлар шахмат олимпиадасида кумуш медални қўлга киритгани учун.

3. Йилнинг энг яхши Рапид ўйинчиси (Rapid Player of the Year) — Нодирбек Абдусатторов.