Туркиянинг шарқидаги Малатя вилоятида 27 февраль куни 5,6 магнитудали зилзила содир бўлди.

Туркия Табиий офатларни бошқариш бошқармасининг хабар беришича, зилзила эпицентри Ешилюрт аҳоли пункти ҳудудида, 7 километр чуқурликда бўлган. Зилзила оқибатида бир киши ҳалок бўлган, 69 киши жароҳатланган. Ҳозиргача камида 22 та бино вайрон бўлган.

Қайд этилишича, Малатя вилояти 6 февраль кунги даҳшатли зилзилалардан жабр кўрган ўнта ҳудуддан бири ҳисобланади. Сўнгги маълумотларга кўра, Туркияда зилзила қурбонлари сони 44 мингдан ошган.

Зилзила талафотлари акс этган видеоларни бу ерда кўриш мумкин.