Сурхондарё вилоятининг Жарқўрғон туманида Маънавият ва маърифат маскани фойдаланишга топширилди.

Ушбу масканда ходимлар хонаси, йиғилишлар зали, замонавий кутубхона мавжуд.

Масканнинг очилиш маросимида Ўзбекистонда хизмат кўрсатган журналист, шоир, драматург Қўчқор Норқобил, Республика Маънавият ва маърифат маркази Сурхондарё вилояти бўлими раҳбари Наргиза Раҳматуллаева, туман ҳокими ўринбосари Анвар Ражабов, ОАВ ҳамда кенг жамоатчилик вакиллари, аҳоли хусусан ёшлар иштирок этди.

Маълумот ўрнида шуни айтиш керакки, 2023 йил давомида вилоятнинг Олтинсой, Термиз, Узун, Қумқўрғон туманларида ҳам Маънавият ва маърифат масканлари фойдаланишга топширилиши белгиланган.