Ижтимоий тармоқда «ЙҲХБ жарима маълумотлар базаси киберҳужумга учрадими?» сарлавҳаси остида аудиоёзув тарқалди. Ички ишлар вазирлиги Йўл ҳаракати хавфсизлиги Бош бошқармаси ҳолат бўйича изоҳ берди.

Маълум қилинишича, маълумотлар базасига ҳеч қандай ҳужум бўлмаган ва барча маълумотлар мавжуд.

Маъмурий амалиёт бўлими ва марказий компьютерлаштирилган бошқарув ва алоқа хизматининг базалари интеграция қилинаётганлиги сабабли айрим носозликлар юзага келмоқда. 

ЙҲХББ фуқаролардан ушбу ҳолатни тўғри тушунишларини, айрим норасмий саҳифа эгаларидан эса шу каби ҳолатларга ойдинлик киритмасдан ўз саҳифаларида асоссиз изоҳламасликларини сўрайди.