Туркиянинг Ҳатай вилоятидаги Aрсуз туманида 5,1 магнитудали зилзила юз берди.

Табиий офатлар ва фавқулодда вазиятлар бошқармаси (AFAD) маълумотларига кўра, 5,1 магнитудали зилзила содир бўлган, ҳодиса эпицентри Ўрта Ер денгизида бўлган.

Aрсуздан 6 километр узоқликда содир бўлган зилзила 9,26 километр чуқурликда қайд этилган.

Ҳатай губернатори Раҳми Дўғанга кўра, зилзиладан кейин ҳеч қандай нохуш ҳодиса, жумладан, биноларга зарар етмаган. 

«Гуруҳларимиз ҳудудни текширишда давом етмоқда», дейди губернатор.

Эслатиб ўтамиз, Туркия жануби ва Сурия шимолида 6 феврал куни даҳшатли зилзила содир бўлди. Ушбу ҳодиса оқибатида ўн минглаб кишилар ҳалок бўлди.