Бир муддат аввал «Самарқанд» халқаро аэропортида парвозлар вақтинчалик тўхтатилгани ҳақида хабар берилган эди. Аэропортда янги аэродром комплекси ва янги аэронавигация ускуналарини фойдаланишга тайёрлаш билан боғлиқ ишлар давом эттирилаётгани муносабати билан ёпилиш жорий йилнинг 15 декабрига қадар узайтирилади. Бу ҳақида “Uzbekistan airports” АЖ матбуот хизмати маълум қилди.

Қайд этилишича, барча авиарейслар республиканинг бошқа халқаро аэропортларига – «Навоий», «Бухоро», «Қарши» аэропортларига йўналтирилади. Аэропортда Самарқандда 2022 йилда бўлиб ўтадиган ШҲТ саммитига тайёргарлик доирасида янги аэродром комплекси қурилиши давом этмоқда.