Бугун Тиббиёт ходимлари куни. Шу муносабат билан Президент Шавкат Мирзиёев фармонига кўра бир гуруҳ тиббиёт ходимлари юксак давлат мукофотлари билан тақдирланди.

Мукофотларни Олий Мажлис Сенати Раиси Танзила Норбоева ўз эгаларига топширди.

Тиббиёт ходимларини табриклаш учун Соғлиқни сақлаш вазири Беҳзод Мусаев сўзга чиқди, дея хабар бермоқда вазирлик ахборот хизмати.

Шунингдек, тадбирда Маданият вазири Озодбек Назарбеков шифокорларга бағишланган янги қўшиғини ижро этган. 

Соғлиқни сақлаш вазири Беҳзод Мусаев Озодбек Назарбековга шифокорларга бағишлаб яратган янги қўшиғи учун тиббиёт ходимлари номидан миннатдорлик билдирди, дейилади хабарда.