Давлат статистика қўмитаси Покистондан Ўзбекистонга январь-ноябрь ойларида 36,7 минг тонна мандарин импорт қилинганини қайд этди

Ўзбекистон 2022 йилнинг январь-ноябрь ойларида энг кўп Покистондан 36,7 минг тонна мандарин импорт қилди. Бу ҳақда Давлат статистика қўмитаси хабар берди.

Маълумотларга кўра, мандарин импорти ҳажми 2021 йилнинг мос даври билан солиштирилганда 16, 4 минг тоннага ошган.

Давлат статистика қўмитаси маълумотларига кўра, 2022 йилнинг январь-ноябрь ойларида Ўзбекистон 12 та хорижий давлатдан қиймати 11,4 млн. АҚШ долларига тенг бўлган 45,6 минг тонна мандарин импорт қилган.

2022 йилнинг январь-ноябрь ойларида Ўзбекистон энг кўп мандарин импорт қилган давлатлар:

1. Покистон — 36,7 минг тонна
2. Туркия — 3,6 минг тонна
3. Хитой — 3,2 минг тонна
4. Эрон — 503 тонна
5. Миср – 442,2 тонна