Кеча, 28 декабрь куни «Киночилар уйи» кинотеатрида Кинематография агентлиги ҳамда Ўзбекистон Киноарбоблари ижодий уюшмаси ҳамкорлигида Миллий кинематографияни ривожлантириш маркази томонидан «Олтин Ҳумо» миллий кинотақдимоти ўтказилди.

Тантанали тадбирда 2021 йилнинг 1 январидан 2022 йилнинг 1 октябрига қадар премьераси бўлиб ўтган фильмлар турли номинациялар бўйича тақдирланди. Oyina.uz фотомухбирлари тантанали тадбирдан фоторепортаж тайёрлади.

«Oltin Humo» III миллий мукофотининг 2022 йилги ғолиб ва совриндорлари билан танишинг:

Энг яхши ҳужжатли фильм — «Матонат»

Режиссёр: Шуҳрат Маҳмудов;

Ҳужжатли ва хроникал фильмлар студияси маҳсулоти.

Энг яхши анимацион фильм — «Буюк ипак йўли бўйлаб саёҳат»

Режиссёр: Абдулатиф Ҳайдаров;

«ASTIR ANIMATION STUDIO» ва «BEGIM» киностудияси маҳсулоти.

Энг яхши компьютер графикаси — Давлат Арабшоев

«Абдулла Қодирий» ҳужжатли фильмидаги иши учун;

Энг яхши кино бастакори — Дмитрий Янов-Яновский

«Тутқунлик» бадиий фильмидаги иши учун;

Энг яхши овоз режиссёри — Абдуқаҳҳор Каримов

«Муҳаббат баҳори» фильмидаги иши учун;

Энг яхши монтаж иши — Хуршид Алихўжаев

«101 рейс» бадиий фильмидаги иши учун;

Энг яхши грим рассоми — Галина Иванова

«Муқимий» бадиий фильмидаги иши учун;

Энг яхши либос бўйича рассом иши — Анастасия Сущук

«Муқимий» бадиий фильмидаги иши учун;

Энг яхши рассом иши — Алишер Умрзоқов

«Муқимий» бадиий фильмидаги иши учун;

Энг яхши сценарий — Зулфиқор Мусоқов

«Ҳайрат» бадиий фильмидаги иши учун;

Энг яхши операторлик иши — Азизбек Арзикулов

«Ҳайрат» бадиий фильмидаги иши учун;

Энг яхши режиссёрлик иши — Зулфиқор Мусоқов

«Ҳайрат» бадиий фильмидаги иши учун;

Энг яхши аёл роли — Раъно Шодиева

«Аёл қисмати» бадиий фильмидаги роли учун;

Энг яхши эркак роли — Ҳошим Арслонов

«101 рейс» бадиий фильмидаги роли учун;

Йилнинг энг яхши фильми — «Аёл қисмати»;

«DILSHOH MEDIA» киностудияси маҳсулоти;

Режиссёр: Дилмурод Масаидов.

Томошабин меҳрини қозонган фильм — «Барон-2»;

Режиссёр: Рустам Саъдиев.

Шунингдек, Ўзбек кинематографиясига қўшган ҳиссаси учун махсус мукофоти билан:

Ёқуб Аҳмедов,

Ўзбекистон халқ артисти;

Ҳамидулла Акбаров,

Ўзбекистонда хизмат кўрсатган ёшлар мураббийси;

Жўра Тешабоев,

Ўзбекистонда хизмат кўрсатган санъат арбоби;

Бектулу Низомитдинов,

Кинематография Агентлиги ҳудудий бўлими раҳбари;

Бахтиёр Мадиёров,

«Қорақалпоқфильм» киностудияси директори тақдирланди.

Ғолибларга «Oltin Humo» махсус статуэткаси ҳамда 25 млн сўм миқдорида пул мукофоти берилади.

Фото: Холида Мусулмонова, 

Абдуманнон Муҳаммад