Туризм ва маданий мерос вазирлиги томонидан Янги йил байрами муносабати билан қўшимча дам олиш кунлари учун маданий мерос объектлари ва музейларга чегирмалар эълон қилинди.

Қайд этилишича, бундан мақсад қўшимча дам олиш кунларида республика аҳолисининг «Ўзбекистон бўйлаб саёҳат қил!» дастури доирасида мароқли дам олишини таъминлаш, ҳар бир маҳаллий сайёҳга юртимиздаги музейлар ва бошқа маданий мерос объектларига саёҳат қилиш имконини яратиш ва бу орқали ички туризм кўламини янада кенгайтиришдир.

Республика бўйлаб музейлар ва музей-қўриқхоналарга 10 фоизлик чегирма белгиланган бўлиб, уларнинг рўхати билан қуйидаги ҳавола орқали танишиш мумкин.