Ижтимоий тармоқларда Касби тумани ҳокими Тўхтамурод Мейлиев мурожаатчи фуқарога пул бергани ҳақида видео тарқалди.

Маълум бўлишича, ҳоким қабулига фуқаро Ф.Исломовага ўзи ва турмуш ўртоғининг гемодиализ олишида ва даволаниши учун моддий ёрдам сўраб келган.  Туман ҳокими  фуқарога ўз маоши ҳисобидан 6 миллион сўм миқдоридаги даволаниш шартнома пулини тўлаб берган.

Маълумот ўрнида: 2019 йилги маълумотларга кўра, туман (шаҳар) ҳокими – 1 млн 643 минг 329 сўм. Сергели тумани ҳокими Элбек Шукуров туман ҳокимларининг ойлик маоши 5 миллиондан 6 млн сўмгача эканлигини айтган бўлса, Янгиҳаёт тумани ҳокими Ҳаёт Иноғомов уч миллион 200 минг сўм маош олишини маълум қилган.