ФВВ ижтимоий тармоқларда Бухоро вилоятида кўп қаватли уй қулагани ҳақидаги маълумот юзасидан расмий муносабат билдирди.

"Бугун, 29 декабрь куни ижтимоий тармоқларнинг бирида Бухоро шаҳри Низомий кўчасидаги эндокринология шифохонаси ёнида 7 қаватли бино қулаб тушгани ҳақида хабарлар тарқалди. Зудлик билан айтилган манзилга ихтисослашган ташкилотлар мутахассислари етиб борди. Ўрганиш давомида тарқатилган маълумотлар ҳақиқатга тўғри келмаслиги маълум бўлди.

Аслида вазият шундай бўлган, 27 декабрь куни Ибн Сино кўчасида қурилаётган 7 қаватли уйнинг 7-қавати оралиқ қисмида бўлган 3 дона бетон плита қулаб тушган. Ҳодиса оқибатида тан жароҳати олган ва ҳалок бўлганлар йўқ" дейилади расмий хабарда.