Oyina.uz маънавий-маърифий портали энг фаол сайт, унинг бош муҳаррири Фаррух Жабборов эса тил жонкуяри сифатида эътироф этилди.

Ўзбекистон Миллий телерадиокомпанияси томонидан ўтказилган «Йил фаоли – 2022» танловида Oyina.uz нашри «Йилнинг энг фаол интернет сайти» деб топилди!

Куни кеча “WikiStipendiya” марафонининг ёпилиш маросимида бир қатор фаоллар, тил жонкуярлари эътироф этилди. Oyina.uz портали бош муҳаррири Фаррух Жабборов ўзбек тилига қўшаётган ҳиссаси учун ташаккурнома билан тақдирланди. Ташаккурномани Ёшлар ишлари агентлиги директори Алишер Саъдуллаев топширди.

Шу ўринда Oyina.uz жамоаси кундан кунга сафи кенгайиб, фаоллик даражаси ортиб бораётган портал ўқувчиларига миннатдорлик билдиради.