«Термиз» халқаро аэропорти 55 кунлик реконструкциядан сўнг яна ишга туширилди

Сақлаш
15:42 / 26.12.2022 1123 0

Бугун, 26 декабрь куни соат 08:15 да «Uzbekistan Airways» авиакомпаниясининг Тошкент — Термиз йўналиши бўйича HY-65 рейси бортида 146 нафар йўловчи билан «Термиз» халқаро аэропортига қўнди.

 

Ушбу аэропортни қайта қуриш доирасида узунлиги 3000 метр ва эни 60 метр бўлган янги учиш-қўниш йўлаги, юриш йўлаклари ва учта самолёт тўхташ жойи учун перронни ўз ичига олган, янги 4E тоифали аэродром мажмуаси қурилди.

 

 

Айни пайтда 377 миллиард сўмлик ишлар бажарилган янги аэродром мажмуасининг қуриш лойиҳаси 550 миллиард сўмга баҳоланмоқда. Лойиҳанинг якуний босқичи — учта самолёт турар жойи ва иккинчи юриш йўлаги 2023 йилнинг апрелигача якунланиши режалаштирилмоқда.

 

Эслатиб ўтамиз, Термиз аэропорти янги аэродром мажмуасини фойдаланишга топширишга тайёргарлик кўрилаётгани муносабати билан 1 ноябрь куни ёпилган ва парвозлар вақтинча республиканинг бошқа халқаро аэропортларига йўналтирилиб келинган эди. Аэропорт терминали ҳам реконструкция қилиниб, 2019 йилда фойдаланишга топширилган.

Изоҳ йўқ

Изоҳ қолдириш

Сўнгги янгиликлар

Барчаси

//