Олий Мажлис Қонунчилик палатаси депутати Расул Кушербаев депутатлик фаолиятини якунлаганини эълон қилди. Бу ҳақда у ўз Telegram-каналида маълум қилди.

«Депутатлик фаолиятимни якунлашга қарор қилдим. Бундай ишлай олмас эканман.

Бунга мажбур бўлганимдан афсусдаман.

Ишонч билдирган, қўллаб-қувватлаган барчага раҳмат! Розинг бўлинглар!

Насиб қилса қолганини вақт кўрсатади. Аллоҳ мададкор бўлсин», – деб ёзади у.

Аввалроқ у Twitter саҳифасида давлат бюджети лойиҳасининг жорий муҳокамасида қатнашмагани ҳақида ёзган эди.

«Бу сафарги буджет муҳокамаларида иштирок этмадим. Катта ҳажмдаги лойиҳани ўқишга ҳам етарли вақт берилмади. 1-ўқишда ялпида сўз сўрасам «зам» спикер Улуғбек Иноятов очиқчасига сўз бермади. Сўнг мажлисдан чиқиб кетдим ва кирмадим.

Депутатларни оғзини ёпадиган «зам»ларни боридан йўғи яхши», – деб ёзганди Расул Кушербаев.