Халқ таълими вазирининг тегишли буйруғига асосан Назарқосимов Сарвар Инатиллаевич Жиззах вилояти халқ таълими бошқармаси бошлиғи этиб тайинланди.

Сарвар Назарқосимов ушбу лавозимга тайинлангунга қадар Жиззах давлат педагогика университети ёшлар масалалари ва маънавий-маърифий ишлар бўйича биринчи проректори лавозимида ишлаб келаётган эди.

Назарқосимов Сарвар Инатиллаевич — 1979 йилда Шароф Рашидов туманида таваллуд топган. Абудулла Қодирий номидаги Жиззах давлат педагогика университетининг бакалавр ва магистратурасини ҳамда Ўзбекистон Республикаси Президенти ҳузуридаги Давлат бошқаруви академиясини тамомлаган.

Маълумот учун, шу кунгача Жиззах вилояти халқ таълими бошқармаси раҳбари лавозимида фаолият юритган Дилфуза Садриддинова Халқ таълими вазирлигига ишга ўтган.