Тошкент шаҳрида жойлашган «Абу Сахий» савдо мажмуасидаги дўконлардан биридан 25 та телефон ўғирлаган эркак ушланди. Бу ҳақда пойтахт ИИББ ахборот хизмати хабар берди.

Қайд этилишича, Чилонзор тумани ИИО ФМБга 14 декабрь куни соат 18:30 ларда номаълум шахс «Абу Сахий» савдо мажмуасидаги дўконлардан бирининг кириш эшиги очиқ қолганидан фойдаланиб жами 52,7 миллион сўмлик 25 дона турли русумдаги уяли телефонларни ўғирлаб кетгани тўғрисида хабар келиб тушган.

Кўрилган чора-тадбирлар натижасида, ушбу жиноятни содир этишда гумон қилинган 29 ёшли Х.И. аниқланиб, қўлга олинган. Мазкур ҳолат юзасидан Жиноят кодексининг 169-моддаси (Ўғрилик) билан жиноят иши қўзғатилган. Тергов давом этмоқда.