Бугунги кунда Телеграм мессенжери аккаунтларини ноқонуний эгаллаш ҳолатлари аниқланмоқда.

Киберхавфсизлик марказига кўра, фирибгарлар танишингиз (аккаунти фирибгарлар томонидан эгалланган бўлса) ёки нотаниш аккаунтдан «Телеграм Премиум” совға қилишганлигини билдириб, уни қабул қилиш учун смс-хабарномадаги рақамларни киритишни сўрайди. Шундан сўнг фирибгарлар телеграм мессенжери бошқарувини қўлга киритадилар.

Фирибгарлар тузоғига тушиб қолмаслик учун мутахассислар қуйидагиларга риоя этишингизни тавсия қилади:

Икки томонлама аутентификацияни ўрнатинг;

Ҳар қандай ҳолатда ҳам смс-хабарномада келган рақамларни ҳеч кимга тақдим этманг;

Мессенжер қурилмалар бўлимидаги «Фаол сеансларни» текширинг бошқа қурилмалар фаолиятини тўхтатинг.